Müxalifətin keçmişi və indisi

Əhməd Oruc:

Müxalifət pəhləvandı bir dildə,

Vətən batdı getdi azman gur seldə,

Əldə sükan olduğu məşum ildə,

Ölkə hissə-hissə talandı getdi.

Tahir Kərimli:

Hər biri döyüşən möhlət katibi,

Əslində, bir əzab, möhnət katibi,

"Yurd" Əli olmuşdu dövlət katibi,

İsanın ürəyi bulandı getdi.

Əhməd Oruc:

Xalqın çörəyini yox, yemədilər,

Yarıac qaldılar, tox yemədilər,

Dövlət çörəyini çox yemədilər,

Çoxusunun ağzı sulandı getdi.

Tahir Kərimli:

Zəhər oldu həyat orqanlarında,

Yarandı yeni çat orqanlarında,

Xarici kəşfiyyat orqanlarında,

Hazırlanmış məxfi plandı, getdi.

Əhməd Oruc:

Pənah urcah oldu xataya, bədə,

İsaya kütlədən gəldi çox hədə,

Xalq da nifrət etdi, müxalifətə,

Dedi filan oğlu filandı, getdi.

Tahir Kərimli:

Zaman sındıranda simli tarını,

Yığıb ətrafına neçə harını,

Elçibəy götürüb pal-paltarını,

Kələkiyə doğru kullandı getdi.

Əhməd Oruc:

Fayda vermədilər bir teldən artıq,

Dolmadı ağıza boz yeldən artıq,

Əsəblər dözmədi bir ildən artıq,

Çoxusu xaricə tullandı getdi.

Tahir Kərimli:

Oldu müxalifət xəyali kölgə,

Parça-parça oldu ərazi, bölgə,

Naşı əllərində talandı ölkə,

Onlar bir sürünən ilandı, getdi.

Əhməd Oruc:

Xalqa yedirtdilər qanı-irini,

Bu qara günlərdə yoxdu şirini,

Diddilər-yedilər biri-birini,

Qarabağ odlara qalandı, getdi.

Tahir Kərimli:

Beyində doğruçu işlək bir lif yox,

Onlar bir əfsanə, rəvayət-mif yox,

Düzlük sayılacaq alternativ yox,

Müxalifət əsil yalandı, getdi.

Əhməd Oruc:

Ölkə bazarında azaldı çərəz,

Artdı hamısında rəzalət, qərəz,

Yeridi başlara sağalmaz mərəz,

Əlinin, İsanın qlandı getdi.

Tahir Kərimli:

Bossa ünvanlayıb yaltaq hürüşü,

Qadağan etdilər mitinq-yürüşü,

Pənah yığışdırıb qızıl-gümüşü,

Dedilər varlandı, klandı, getdi.

Əhməd Oruc:

Onları sındırmaq fələyə düşdü,

Hər biri dən olub ələyə düşdü,

Xaricin qurduğu tələyə düşdü,

İsa istefaya yollandı, getdi.

Tahir Kərimli:

Onlara Leylacın özü açdı fal,

Viskidən içdilər, yedilər kifal,

Yaxanda üstünə boss xarici bal,

İsa Əli ilə yalandı getdi.

Əhməd Oruc:

Bilmədən tıxdılar haçan deşiyi?

Tale açdı onlar qucan deşiyi,

Hər biri axtardı siçan deşiyi,

Baxmadı ki öndə dalandı... getdi.

Tahir Kərimli:

Yurdu dağıdaraq tez çökdürdülər,

Nə qədər "möhtəşəm" miz çökdürdülər,

Bir ilə ölkəni diz çökdürdülər,

Xalqı dərd-möhnətə salandı, getdi.

Əhməd Oruc:

Dedilər bizləri bir Qərb bordaya,

Qarın şişirtdilər verib mordaya,

Qərbin bosslarını qoyub ortaya,

Hamısı başında dolandı, getdi.

Tahir Kərmli:

"Bəylər" tüpürdülər yediyi qaba,

Dərhal da oldular heybətli, qaba,

Xain qanları da döndü çirkaba,

Erməni qanına culandı getdi.

Əhməd Oruc:

Yoxdu savadları, küt qoyundular,

Xaricin əlində büt, oyundular,

Getməmişdən qabaq lüt soyundular,

Bellərdə narıncı palandı, getdi.

Tahir Kərimli:

Onları idarə edirdi klan,

Ölkəni çökdürmək başlıca plan,

Dediyimiz sözlər deyildir yalan,

Olmuş hadisədi, olandı, getdi.

Əhməd Oruc:

Batdı selləmədə çoxunun çulu,

Bossdan alırdılar qrantı, pulu,

Olmuşdu hamısı xaricin qulu,

Hər birisi qrant alandı, getdi.

Tahir Kərimli:

Bunlardan nə umsun fağır? Zəhrimar?!

Çoxunda da olub ağır zəhrimar,

Qaba çöhrələrdən yağır zəhrimar,

Murdar sifətləri solandı, getdi.

MİRZƏ QƏRƏNFİL