"İP"-çilər qurumlarının gələcəyinin parlaq olduğunu bildirirlər

Tofiq Yaqublu:

Qərb yandırıb bizə yaşıl gur işıq,

Birliyə dəvətli Cünun tək aşıq,

İsa ilə Əli "İP"-ə yaraşıq,

Bizim potensial tükənən deyil.

Nurəddin Məmmədli:

Təcrübə toplayıb, qocalıbdı "İP",

Şərqdən Qərbətək gur səs salıbdı "İP",

Bossların gözündə ucalıbdı "İP",

Bir çox qurumlar var "İP"-ə tən deyil.

Tofiq Yaqublu:

"İP"-dəki post özü post ödəyirsə,

Bədxahlar adi bir kos ödəyirsə,

Qrantı bizlərə boss ödəyirsə,

Deməli, vətən də o vətən deyil.

Nurəddin Məmmədli:

Əli Qərb arzular zərif gül üçün,

Tonqal eşələyir İsa kül üçün,

Boss hörmət göstərir təkamül üçün,

Etdiyi hörmət də heç itən deyil.

Tofiq Yaqublu:

İş aşmaz bir umu, bir küsü ilə,

Liderlər tanınar zər kürsü ilə,

Qurum getməkdədi düz relsi ilə,

"İP" öz düz yolundan yan ötən deyil.

Nurəddin Məmmədli:

Qərbdə var maraqlı, sirli nüanslar,

Bizim "İP" zər, gümüş mədənşünaslar,

Əli ilə İsa gödənşünaslar,

Boss payı yeməyən heç gödən deyil.

Tofiq Yaqublu:

Bir vaxt qırğın getdi boz boyaq üstə,

Yüksələ bilmədi "İP" dayaq üstə,

Boss saxlar bizləri düz ayaq üstə,

Gücdən düşən bədən şux bədən deyil.

Nurəddin Məmmədli:

"İP"-də problemlər dizə dirənib,

Liderlər ümidsiz, bizə dirənib,

Son vaxtlar İsa bəy üzə dirənib,

Sentini almasa, o, gedən deyil.

Tofiq Yaqublu:

İsa dediyini yeritmək istər,

Toxtamayan bəyi kiritmək istər,

"İP" böyük məbləği əritmək istər,

Nahaq pul xərcləməz, Qərb mədən deyil.

Nurəddin Məmmədli:

Boss "İP"-ə həmişə bol çiyid verib,

Çiyid də bəhrəsiz yüz söyüd verib,

İsaya Əli bəy çox öyüd verib,

Deyib boss töhfəsi boş mədən deyil.

Tofiq Yaqublu:

Hər alət xoş ruhlu zərb ola bilməz,

Bir əsas olmasa, hərb ola bilməz,

Hər sərvətli ölkə Qərb ola bilməz,

Hər bədəvi mülkü, bil, Ədən deyil.

Nurəddin Məmmədli:

Üzvləri sədrlik üstə yoluşan,

Bir "Yurd"du qrantçün yanan-alışan,

Əlidi tərəqqi üçün çalışan,

"İP"-də İsa bunu heç edən deyil.

Tofiq Yaqublu:

Qrantçün bükülüb iki qat duran,

Qərbin hüzurunda hey rahat duran,

İsadı çinar tək farağat duran,

Əli boss yolunda heç bitən deyil.

Nurəddin Məmmədli:

"İP"-in özünə də töhfəsi soyuq,

Sənin liderinin həvəsi soyuq,

Həmişə İsanın nəfəsi soyuq,

Əli yandırandı, o, ütən deyil.

Tofiq Yaqublu:

Əli qurudardı ümman, dəryanı,

İsa bəy çəkərdi burda ziyanı,

Cibinə doldursan düzü-dünyanı,

Sənin Əlin üçün o, yetən deyil.

Nurəddin Məmmədli:

Əli bəy cəbhədə şirəli olub,

İsa ölgün, bitli-birəli olub,

Cəbhə Müsavatdan irəli olub,

İsa bəy Əliyə heç də tən deyil.

Tofiq Yaqublu:

Təqsirkar bir zaman yanacaq burda,

Yalançı iddia sınacaq burda,

Sənin-mənim fikrim donacaq burda,

Onlar bir-birini heç didən deyil.

Nurəddin Məmmədli:

Hökm, sərtlik damır mizlərimizdən,

Qərb tanıyır bizi izlərimizdən,

Yağır mehribanlıq gözlərimizdən,

İşıldayan göz də heç didən deyil.

Tofiq Yaqublu:

Dığa təklif edir ancaq hərb bizə,

Bosslar da endirir güclü zərb bizə,

Çox parça göndərir indi Qərb bizə,

Narıncı kətən də o kətən deyil.

Nurəddin Məmmədli:

Bossların önündə çox vaxt tək qalıb,

İsa boyun əyib, daim alçalıb,

Bossun qabağında Əli əl çalıb,

Natiq bülbül kimi heç ötən deyil.

Tofiq Yaqublu:

İsaya Qərbdəki bosslar dayaqdı,

Gecə də, gündüz də daim oyaqdı,

Burda İsa qəlbi əsil mayakdı,

"İP"-in yolu üstü duman-çən deyil.

Nurəddin Məmmədli:

İsa əvvəlki tək nəfsinin qulu,

Cibində qurtarıb sonuncu pulu,

Yaman bağlanıbdı başqanlıq yolu,

Sənin İsa bəyin nəsə şən deyil.

MİRZƏ QƏRƏNFİL