"Qarabağ" bloku "İctimai Palata"dan üstündür

Sərdar Cəlaloğlu:

Bu blok yanında "İP" özü loxdu,

İsadan, Əlidən üfunət qoxdu,

Rəsul, İqbal, Sərdar artıq blokdu,

"Qarabağ" adlanır qurumun adı.

İqbal Ağazadə:

Deməzdii Əli bəy cipə əvəzdi,

Rəsul bəy İsa tək tipə əvəzdi,

"Qarabağ", əlbəttə, "İP"-ə əvəzdi,

İflasdı "İP"-dəki durumun adı.

Sərdar Cəlaloğlu:

İsa Əli ilə tinində gedir,

"Palata" Qərbə it günündə gedir,

Rəsul "hərəkatı" önündə gedir,

Bizə qrant verən Bill, Tomun adı.

İqbal Ağazadə:

Üz-üzə şər ilə, tasayla Əli,

20 il çarpışdı masayla Əli,

Çoxdan at səyirdir İsayla Əli,

Qalmadı yaddaşda o bumun adı.

Sərdar Cəlaloğlu:

Boss İsaya pivə və bıçki verdi,

Əliyə sərt cavab o seçki verdi,

Rəsul mənə yaxşı bir içki verdi,

Yadımdan çıxıbdı o romun adı.

İqbal Ağazadə:

Dedi "İP"-i keçsin "Qarabağ" təki,

Rəsul etmədi bir sözmü iki,

Blokda o qədər şərab içdim ki,

Silindi şüurdan bir camın adı.

Sərdar Cəlaloğlu:

Əli İsa ilə qalıb sərində,

"İP"-in problemi daha dərində,

Yadında qalmayıb bir liderin də,

Başlarına uçan nəhs damın adı.

İqbal Ağazadə:

Əlinin başını duman-çən alır,

İsa sərəncamı bossdan şən alır,

"İP" də təlimatı xaricdən alır,

Şübhə doğurmaqda məramın adı.

Sərdar Cəlaloğlu:

Pislər başqasını, həm şərlər bunlar,

Sanırlar ki, əsil boz şirlər bunlar,

Viskini litrlə içirlər bunlar,

Yoxdu siyahıda qramın adı.

İqbal Ağazadə:

İsa da, Əli də naqis, müxənnət,

Qoymuş Manukunyan İsaya minnət,

Parisdə görüşüb etmişdi söhbət,

İsaya tanışdı Aramın adı.

Sərdar Cəlaloğlu:

"İP"-çi liderlərə lazım bir pul, post,

Söyləyib şəninə kirvəsinin tost,

Deyib o, həmişə erməniyə dost,

Əliyə ruh verir dramın adı.

İqbal Ağazadə:

"Qarabağ" önündə "İP" dayanıb lal,

Təsdiq də edirəm bunu mən İqbal,

Əli ilə İsa görməmiş halal,

Onları cəlb edir haramın adı.

Sərdar Cəlaloğlu:

Ruhları oxşamır qəzəli isə,

İntihar edərdi o, dəli isə,

Əli rakı seçib, "Yurd" Əli isə

Deyir ki, iflicdi xoramın adı.

İqbal Ağazadə:

Atıblar öz rəmzi bayraqlarını,

"İP"-də itiriblər dayaqlarını,

Özləri tapdalar ayaqlarını,

Yalandan çəkilir koramın adı.

Sərdar Cəlaloğlu:

Gənclər "İP"-də durub fürsət bəkləyir,

İsanı, Əlini onlar təkləyir,

Rəsul deyir "İP" də qulaq şəkləyir,

Çəkilən zamanda paramın adı.

İqbal Ağazadə:

Əli, İsa olub ara düzəldən,

Qrant azlığıdı dərdi təzəldən,

Dözümlü sayılıb "İP"-də əzəldən,

Dar hövsələ, səbri taramın adı.

Sərdar Cəlaloğlu:

Ləzzət alırdılar Herkel, Qrossdan,

Əli mərhum olub çoxsaylı bossdan,

İsa açıq deyib inciyər bossdan,

Ağ çəkilməyincə qaramın adı.

İqbal Ağazadə:

Yalan sözlər deyir, bunda ara bax,

Deyir "səs eşitdim", sən bu kara bax,

Blok anlamında bizdə "Qarabağ",

Fərqli şərh edilib yaramın adı.

Sərdar Cəlaloğlu:

Nə İsa, nə Əli fərqli səfildən,

Rəsul nə öyrənsin "İP"-çi tifildən,

Naqislər Araz, Kür deyir qəfildən,

Beynimdə canlanır Xramın adı.

İqbal Ağazadə:

Yalnız bir "Qarabağ" çıxarar səsi,

Narahat edərdi burda hər kəsi,

Yenə səhvə yozdu "İP" yetkilisi,

Rəsula ünvanlı "uram"ın adı.

Sərdar Cəlaloğlu:

Biz gəldik, "İP"-də də çatladı çanaq,

Çəkər Müsavatın ürəyinə dağ,

Dağıdar "Yurd"ları bizim "Qarabağ",

"İP"-i məyus edib şuramın adı.

İqbal Ağazadə:

Əli "Yurd"u fitlə əvəz olunar,

İsa "İP"-i "İT"-lə əvəz olunar,

Tezliklə Smitlə əvəz olunar,

Mənim moskvalı Yuramın adı.

MİRZƏ QƏRƏNFİL