Lalə Hacıyeva Rusiyaya köçür

Siyasi mühitdə heç bir uğuru ilə yadda qala bilməyən, daim intiriqalar və ittihamlarla müxalifət düşərgəsində gündəmdə qalan ALP-nin lideri Lalə Hacıyeva siyasi iflasa uğradığını etiraf edib. O, bu addımını, hələ ki, ciddi arqumenlərlə əsaslandırmasa da, bir həqiqət mövcuddur: L.Hacıyevanın rəhbərlik etdiyi siyasi təşkilat artıq tükənib. Belə ki, ötən seçkilərdə olduğu kimi, 2013-cü il seçkilərində də uduzacağını (hansı ki, onun burada iştirak edib-etməyəcəyi də bəlli deyildi) yəqin edən partiya lideri belə qənaətə gəlib ki, siyasi partiyasının fəaliyyətinə xitam versin və köçsün Rusiyaya. Görünür ki, L.Hacıyevaya Rusiya siyasətçiləri tərəfindən təkliflər verilib və o da buradakı yarıtmaz, dağıdıcı müxalifət təmsilçiləri ilə həmkar olmaqdansa, Rusiyadakı siyasi dairələrə üstünlük verib. Bu səbəbdən də, ALP-nin fəaliyyətinə son qoymağı düşünüb. L.Hcıyeva artıq ALP-nin qərargah kimi istifadə etdiyi şəxsi mənzilini də partiya üzvlərindən birinin adına rəsmiləşdirib. Məlumata görə, o, Moskvaya köçüb və yaxın zamanlarda bəyanatla çıxış edərək, siyasətdən gedəcəyini bəyan edəcək.

Yeni partiyanın Rusiyada elan olunması gözlənilir?

ALP liderinin bu addımı isə partiya daxilində birmənalı qarşılanmayıb. Uzun müddət ALP-də təmsil olunan həm sıravi, həm də səlahiyyətli "liberallar" anidən partiyanın fəaliyyətinə xitam verilməsinin əleyhinə olduqlarını bildiriblər. Artıq narazılıq həddi sürətlə yüksəlməkdədir. İrəli sürülən iddialardan biri də L.Hacıyevanın adamı, partiyanın sədri Əvəz Temirxanın adı ilə bağlıdır. Məsələ ondadır ki, funksionerlər baş verənlərdə bilavasitə Ə.Temirxnın əli olduğunu deyirlər. Çünki əsas məsələ L.Hacıyevanın ALP-dən getməsi və partiyanın siyasi iflasa uğraması deyil, həmin partiyanın yerinə başqa formatda siyasi təşkilatın yaradılmasıdır.Əldə etdiyimiz məlumata görə, ALP-nin iflası L.Hacıyeva tərəfindən rəsmən elan edildikdən sonra, o, Moskvaya köçəcək və bir müddət onunla birgə Rusiyada qalmağı planlaşdıran Ə.Temirxan oradaca "Azərbaycan Milli Liberal Demokrat Partiyası" adında siyasi təşkilat yaradacağını bəyan edəcək. Sözsüz ki, həmin partyanın Rusiyada elan ediməsinin arxasında daha bir neçə nüanslar dayanıb ki, bu da yaradılması planlaşdırılan təşkilatın Rusiyameyilli partiya olacağından xəbərə verir.

Rəfiqə Hüseynova