Qarşıdurma və ya Qiyasın Pənaha etirazı

Qiyas Sadıxov:

Yalan olanlardadı, dedim düzü mən,

Bu adamda gördüm sırtıq üzü mən,

İndi AXP-nin sədri özüməm,

Pənah Hüseynovsa "İP"-ə bağlıdı.

Pənah Hüseynov:

AXP-də onu sıxmaqda təklik,

Müftə versəydilər yeyərdi kəklik,

Bu Qiyas verməmiş ağıllı təklif,

Tormozlayan onu bədnam ağıldı.

Qiyas Sadıxov:

20 il ərzində salıbdı on diş,

"İP"-ə urcah etdi onu bu gərdiş,

Bizim partiyada görməzdi bir iş,

Yalan danışmaqsa mifdi, nağıldı.

Pənah Hüseynov:

Bir qurtum viskiyçün məni də mindi,

Sən bir işə bax ki, Qiyas da dindi,

Əksimə çıxmağa köklənib indi,

Ağzı içkilidi, boğaz yağlıdı.

Qiyas Sadıxov:

Pənahın intiqam almaq arzusu,

Önünə çıxanı çalmaq arzusu,

"İP"-in birincisi olmaq arzusu,

Əlidən, İsadan qəlbi dağlıdı.

Pənah Hüseynov:

Qiyas kimisinə qalmamış sözüm,

Uzağı görmədim, çıxaydı gözüm,

Onu sədr postuna seçmişəm özüm,

Deyirəm üzvlərin dinci, mağıldı.

Qiyas Sadıxov:

Aqil bel bağlamaz belə tupoya,

Ondan odun çıxmaz yanar sobaya,

Pənah bağlanmamış elə, obaya,

O, boss arkadaşı, Qərbin oğludu.

Pənah Hüseynov:

Bundan sonra çətin onun udması,

Bəzən möhkəm tutur onun tutması,

Kiçik partiyada qərar tutması,

Qiyasın yeganə böyük uğurudu.

Qiyas Sadıxov:

Çatıb əməlləri başa talanla,

Çox-çox oxşarı var qatır-qulanla,

Onun nəfəsi də çıxır yalanla,

Ağ yalan olardı, desəm, doğrudu.

Pənah Hüseynov:

Bu adam bədnamın şən naqisidi,

Rəzillik, pisliklə tən naqisidi,

Qiyas paxılların ən naqisidi,

Onun ürəyini sıxan ağrıdı.

Qiyas Sadıxov:

Cibində qəpiyi yox çaya versin,

Gözləmə, təklifi pul-maya versin,

İnanmıram, yaxşı ideya versin,

Bu yolda Pənah bəy məşhur oğrudu.

Pənah Hüseynov:

Çoxdan aparıbdı gilliyə axın,

Heç bir kəs Qiyası buraxmır yaxın,

Mənim bu uğursuz sədrimə baxın,

Gözləri yumulu, özü yuxuludu.

Qiyas Sadıxov:

Adını vurdurub "İP"-də çələngə,

Pənahın özü bir yabı, ələngə,

Özünü bənzədir filə, pələngə,

"İP"-in sorulmayan acı noğuludu.

Pənah Hüseynov:

Adı Qiyassa da, özü tüfeyli,

Artıb çıxışında kobudluq xeyli,

Son illə bağlıdı siyasət meyli,

Uğuru az, onda qüsur çoxludu.

Qiyas Sadıxov:

Pənaha inanan üzü ağ olmaz,

Ondan nə sehrbaz, nə də maq olmaz,

Onu günaşırı tapdamaq olmaz,

Bədəni üfunət, özü qoxuludu.

Pənah Hüseynov:

Hətta AXP-də az-az guruldar,

Çətin siyasətdə Qiyas parıldar,

Bir-iki həftəyə səsi xırıldar,

Ümidsiz parlayan gözün çuxurudu.

Qiyas Sadıxov:

Qalmaqal, davayla doldurulubdu,

Barak Obamayla doldurulubdu,

Bu adam havayla doldurulubdu,

Pənah satılan mal... o bir toğludu.

Pənah Hüseynov:

Qiyas fərqlənmədi heç həya itlə,

Postundan qovular düz paya ilə,

Onu bənzətməyin daş-qaya ilə,

Karyerin əzilmiş adi suxurudu.

Qiyas Sadıxov:

Onun siyasətdə quru adı var,

Xaricdə nüfuzsuz bossu, yarı var,

Sanmayın Pənahda viski dadı var,

O, Qərb süfrəsinin suxoy çaxırıdı.

Pənah Hüseynov:

Bu cavan yaşında başı da dazdı,

Siyasi meydanda yonulmuş qazdı,

AXC-də onu sevənlər azdı,

Çox keçməz görərsiz onun axırıdı.

Qiyas Sadıxov:

Sanır əməlini bir blat kimi,

"İP"-in özündə də qalıb mat kimi,

Aparır özünü qaçar at kimi,

Bu adam qoyundu, bossun naxırıdı.

Pənah Hüseynov:

Bilmir mənasını əsla qisasın,

Çaşıb arasında iri miqyasın,

Xəbislik gözünü örtüb Qiyasın,

İndi üzə çıxan onun paxırıdı.

MİRZƏ QƏRƏNFİL