Dağıdıcı müxalifət "liderləri"nin 2013-cü il
prezident seçkilərinə hesablanmış məğlubiyyət xofları artıqca, onların özlərinə
verdikləri "Rəzillikdən necə qurtulmalı?" sualı özünü daha qabarıq
formada sərgiləyir. Ancaq hazırda da rəzil durumdan xilas ola bilməyən
müxalifət "liderləri" bu kimi rəzillklərinə, necə deyərlər,
rəng-çalar qatırlar. Belə ki, Müsavat partiyasında adının açıqlanmasını
istəməyən mənbədən əldə etdiyimiz informasiyaya görə, başqan İsa Qəmbərovun Gürcüstana etdiyi
sonuncu səfəri, əslində, onun üçün "qənaətbəxş" nəticələnib. Mənbənin
bildirdiyinə görə, İ.Qəmbərovun Gürcüstandan razı halda geri dönməsi arxasında
onun Erməni Ümummilli Hərəkatının liderlərindən bir olan Aram Manukunyanla
apardığı gizli görüşün nəticələridir.
İsa Qəmbərovun Aram Manukunyanla danışıqları
partiyadaşlarından niyə gizlədilir?
Aparılan danışıqların həm partiyadaşlarından, həm də
ictimaiyyətdən gizlədilməsi arxasında isə müəmmalı məsələlər dayanmışdı ki, bu
günlərdə həmin müəmma da üzə çıxıb. Məlum olub ki, hazırda düşərgədəki
mövqelərini itirməklə yanaşı, partiya başanlığının da əldən verilməsi
ehtimalını yəqin edən İ.Qəmbərov Qərb dövlətlərində iş və fəaliyyət göstərən
müxalifətyönlü erməni iş adamlarının dəstəyini əldə edəcək. Bunun üçün ona 110
min avro veriləcəyi artıq erməni müxalifətçisi A.Manukunyan tərəfindən həll
edilib: "Sözsüz ki, Manukunyan başqana ona ödəniləsi olacaq 110 min
avronun qarşılığında bir sıra öhdəliklər
qoyub. Başqan isə həmin öhdəliklər qarşılığında erməni lobbisinə postunu
itirməmək, eləcə də, müxalifətdəki ən yaxın izləyicisi, "cəbhə" sədri
Əli Kərimovun "vahid namizəd" kimi seçilməməsi tələbini qoyub.
A.Manukunyan ikinci tələbin mümkünsüzlüyünü bildirib və İ.Qəmbərovun, nəyin
bahasına olursa-olsun, Müsavat başanlığında qalması üçün maddi cəhətdən
köməklik göstərəcəyini söz verib. Təbii ki, həmin maddi vəsaitlər Fransada,
İsveçrədə, Hollandiyada fəaliyyət göstərən müxalifətyönlü lobbiçilər tərəfindən
ödəniləcək".
Ödəmə prosesi bilavasitə İsveçrənin bank şəbəkələrində
çalışan nüfuzlu erməni iş adamı tərəfindən həyata keçiriləcək
Onu da xatırladaq ki, Müsavat başqanı hələ bir müddət bundan
öncə də A.Manukunyanla Almaniyanın Potsdam şəhərində görüş keçirmiş, həmin
görüşdə erməni müxalifətçisi ilə razılıq əldə edərək, "saziş
imzalamışdı". Məhz bundan sonra Müsavat partiyası ifrat radikalıq nümayiş
etdirərək, bir neçə icazəsiz aksiya və mitinq keçirməyə cəhd göstərmişdi. Bu
amil, həm də onu deməyə əsas verir ki, onun Azərbaycanın maraqlarını satmaqda
erməni həmkarı daha çox canfəşanlıq göstərir. Qeyd edək ki, həmin ərəfələrdə
İ.Qəmbərovun xarici bank hesabına erməni lobbiçiləri tərəfindən 50 min dollar,
sonrakı müddətdə isə daha 25 min avro pul
köçürmələri qeydə alınmışdı. 110 min avronun ödənilməsini isə bilavasitə
İsveçrənin bank şəbəkələrində çalışan nüfuzlu erməni iş adamı həyata keçirəcək.
Mövzu ilə bağlı əldə edəcəyimiz növbəti məlumatları ictimaiyyətə təqdim
edəcəyik.
RÖVŞƏN RƏSULOV
