Andrey Petrov: “Qarabağda xüsusi əməliyyat olacaq və silahlılar məhv ediləcək” – PROQNOZ

Rusiyalı ekspert: Bu, qaçılmazdır və bütün qanunsuz silahlı birləşmələrin tamamilə məhv edilməsi ilə başa çatacaq, Azərbaycana qarşı cinayətlərdə günahkar olanlar öz cəzalarını alacaqlar

Separatçıların lideri Arutyunyanın Putinə və digər separatçıların, o cümlədən Vardanyanın bəyanatları açıq şəkildə göstərir ki, Qarabağdakı erməni quldur dəstələri hələ də tərksilah olmaq, Azərbaycanla inzibati və qanunvericilik nəzarəti ilə razılaşmaq və bu ölkə səlahiyyətliləri ilə birbaşa dialoq qurmaq istəmirlər. Oradan əksinə, qisas çağırışları səslənir, Azərbaycan hərbçilərinin atəşə tutulması davam edir. Bəs separatçı liderlər nəyə ümid edir? Onlara aydın deyilmi ki, əslində onların qiyamət günü gəlib çatıb və Qarabağda nifaq salmaq onlar üçün nəinki faydasız, həm də son dərəcə risklidir. Azərbaycan Qarabağı bütün silahlı birləşmələrdən və separatçıların qeyri-qanuni hakimiyyətindən tam təmizləmək üçün demək olar ki, hər an xüsusi əməliyyata başlaya bilər, çünki bütün səbr sonda tükənəcək.

“Vestnik Kavkaza” agentliyinin baş direktorunun müavini, rusiyalı politoloq Andrey Petrovun caliber.az-a müsahibəsində qeyd etdiyi kimi, paradoks odur ki, Azərbaycanın Qarabağda qanunsuz silahlı birləşmələrin zərərsizləşdirilməsi üzrə xüsusi əməliyyatı böyük ehtimalla liderlərin həbsini əhatə edəcək. Prinsipcə İrəvanın maraqlarının məntiqinə uyğun gələn Qarabağ separatizmi sonlanacaq.

“Nikol Paşinyan Qarabağdakı separatçı layihədən özü üçün mümkün qədər ağrısız şəkildə qurtulmaq istərdi. Yəni onun heç bir günahı olmamalıdır, Qarabağda baş verənlərə görə heç bir məsuliyyət daşımamalı, hadisələrə təsir edə bilməməlidir. Və biz görürük ki, hadisələr indi təxminən bu məcrada inkişaf edir: Azərbaycan Laçın rayonunda nəzarət-buraxılış məntəqəsi yaradıb və Xankəndinə silah və yaraqlıların tədarükünü tamamilə dayandırıb. Yerevan, əlbəttə ki, rəsmi səviyyədə Rusiyadan bu istiqamətdə nəsə ölçü götürməsini tələb etməkdə davam edir, lakin burada tam aydındır ki, bütün bu proses Azərbaycan və Rusiya tərəfləri arasında tam anlaşma şəraitində baş verib”,- rusiyalı politoloq vurğulayıb.

Yəni, politoloqun fikrincə, Qarabağda separatçı layihənin bağlanmasının birinci mərhələsi başa çatıb, o zaman Ermənistandakı separatçılarla qüvvələr arasında fiziki əlaqə kəsilib, çünki onların arasında Azərbaycan sərhədçiləri dayanıb və onlardan yan keçmək üçün heç bir boşluq yoxdur.

“Onlar öz istəkləri ilə Qarabağı tərk edib Azərbaycan hakimiyyətinə təslim olmaq istəmədikləri üçün silahlı təxribatları davam etdirirlər, indi Qarabağ iqtisadi rayonunda separatizmin bütün elementlərinin məhv edildiyi ikinci mərhələ başlamalıdır. Axı orada kifayət qədər erməni yaraqlıları qalıb, onlar Azərbaycan ədalətindən hələ Birinci Qarabağ müharibəsində törətdikləri cinayətlərə görə layiqli cəzalarını gözləyirlər. Xüsusən də Ermənistanda heç kim onları gözləmir, Nikol Paşinyana lazım deyillər, üstəlik, onlar hətta onun üçün təhlükəlidirlər, çünki Qarabağ klanının maraqlarına sadiq qalırlar. Onların özləri də yaşlarına görə itirəcəkləri heç nə yoxdur və gənc qohumlarını çoxdan Ermənistana və ya xaricə göndəriblər. Ona görə də Qarabağ ermənilərinin Azərbaycan hüquq müstəvisinə son reinteqrasiyasına qədər Qarabağda maksimum müqavimət göstərəcəklər sırasındadırlar. Azərbaycan isə onları zərərsizləşdirmək üçün müəyyən qüvvələrdən istifadə etməli olacaq”,- rusiyalı politoloq qeyd edib.

Beləliklə, A.Petrovun fikrincə, belə bir xüsusi əməliyyat nəticəsində Qarabağ separatçıları Qarabağdan tamamilə çıxarılacaq, lakin İrəvanın Azərbaycana qarşı yeni ittihamlar uydurmaq imkanı olacaq. Əvvəla, o, guya Qarabağın erməni əhalisinin hüquqlarını pozur. Bakı isə bu cür ittihamlara hazır olmalıdır. Amma ən əsası təbii ki, separatçıların təzyiqindən qurtulan etnik erməni əhalisinin Azərbaycan hakimiyyəti ilə ünsiyyət dili tapmasıdır.

“Qarabağdakı erməni əhalisinin əksəriyyətinə gəlincə, mən hesab edirəm ki, ümumilikdə onlar Azərbaycanın inzibati-mülki nəzarəti altında yaşamaq perspektivinə hazırdırlar. Və burada vacibdir ki, Qarabağ separatçılarının məhv edilməsi əməliyyatı ilə paralel olaraq, bütün normal, qanuna tabe olan yerli ermənilərin Azərbaycan hakimiyyətinə vətəndaşlıq üçün şəxsən- təkbaşına, heç nədən qorxmadan müraciət etmək imkanı olsun. Çünki aydındır ki, separatçıların əsas vəzifəsi məhz belə fərdi iradə təzahürünün qarşısını almaqdır. Axı o zaman onların bütün rejimi bir gecədə dağılacaq.

Əminəm ki, belə bir xüsusi əməliyyat olacaq, bu, qaçılmazdır və bütün qanunsuz silahlı birləşmələrin tamamilə məhv edilməsi ilə başa çatacaq və Azərbaycana qarşı cinayətlərdə günahkar olanlar öz cəzalarını alacaqlar, buna əminəm”- Petrov yekunlaşdırıb.

Tərcümə - Elçin Bayramlı