Dayanıqlı inkişafı təmin edən dövlətçilik ənənələri - ŞƏRH

Prezident İlham Əliyevin “Konstitusiya və Suverenlik İli” münasibətilə amnistiyanın elan edilməsi təşəbbüsü Azərbaycan dövlətinin hüquqi-humanist dəyərlərə sadiqliyinin növbəti təzahürüdür. Bu təşəbbüs ölkədə hüquq sisteminin təkmilləşdirilməsi, cəmiyyətin sağlamlaşdırılması və insan amilinin prioritet tutulması istiqamətində aparılan ardıcıl dövlət siyasətinin məntiqi davamı kimi qiymətləndirilir.
Son illər Prezident İlham Əliyevin rəhbərliyi ilə həyata keçirilən islahatlar hüquqi dövlət quruculuğunun keyfiyyətcə yeni mərhələyə yüksəldiyini göstərir. Məhkəmə-hüquq sistemində aparılan institusional dəyişikliklər, insan hüquq və azadlıqlarının daha etibarlı təminatı, cəza siyasətinin humanistləşdirilməsi bu sahədə atılan mühüm addımlar sırasındadır. Amnistiya təşəbbüsü də məhz bu ümumi dövlət strategiyasının tərkib hissəsi kimi çıxış edir.
Xüsusilə qeyd edilməlidir ki, “Konstitusiya və Suverenlik İli” Azərbaycanın müstəqil dövlətçilik tarixində mühüm ideoloji-siyasi məzmun daşıyır. Konstitusiyanın aliliyi və dövlət suverenliyinin tam bərpası fonunda irəli sürülən amnistiya təşəbbüsü hüquqla humanizmin vəhdətini əks etdirir. Bu addım bir daha nümayiş etdirir ki, güclü dövlət yalnız sərt hüquqi mexanizmlərlə deyil, eyni zamanda mərhəmət, sosial məsuliyyət və ədalət prinsipləri üzərində qurulur.
Dövlət başçısının təşəbbüsü Konstitusiyanın aliliyinə, qanunun aliliyinin təmin olunmasına və suveren Azərbaycan dövlətinin hüquqi əsaslarının möhkəmləndirilməsinə xidmət edir. Eyni zamanda, amnistiya aktı sosial ədalət prinsiplərinin gücləndirilməsi, cəmiyyətə reinteqrasiya imkanlarının genişləndirilməsi və humanizm ideyalarının təşviqi baxımından xüsusi əhəmiyyət daşıyır.
“Konstitusiya və Suverenlik İli” çərçivəsində irəli sürülən bu təşəbbüs müstəqil Azərbaycan dövlətinin güclü hüquqi bazaya malik olduğunu, insan hüquq və azadlıqlarının qorunmasının dövlət siyasətinin əsas istiqamətlərindən biri olduğunu bir daha təsdiqləyir. Prezident İlham Əliyevin rəhbərliyi ilə həyata keçirilən bu kimi addımlar ölkədə ictimai-siyasi sabitliyin möhkəmlənməsinə, dövlət-vətəndaş münasibətlərinin daha da sağlam və etibarlı əsaslar üzərində qurulmasına mühüm töhfə verir.

Lalə İskəndərova

YAP Qusar rayon təşkilatının fəal üzvü