“Reabilitasiya xidmətlərində qeydiyyat və nəzarət sistemi təkmilləşdirilməlidir” - Soltan Məmmədov

“Müalicə və reabilitasiya mərkəzlərində xidmət göstərən şəxslərin qeydiyyat və koordinasiya sisteminin daha da təkmilləşdirilməsi vacibdir. Bəzi xəstələr reabilitasiya keçdikdən sonra işə yönləndirilərkən onların vəziyyətinin düzgün qiymətləndirilməsi üçün məlumat bazası və nəzarət mexanizmi gücləndirilməlidir”.SİA xəbər verir ki, bu sözləri Milli Məclisin deputatı Soltan Məmmədov Əmək və sosial siyasət komitəsinin iclasında çıxışı zamanı deyib.Deputat bildirib ki, bu dəyişikliklər xidmət keyfiyyətinin artırılması və şəffaflığın gücləndirilməsi baxımından mühüm əhəmiyyət daşıyır.

Soltan Məmmədov qeyd edib ki, təqdim olunan hər iki qanun layihəsində nəzərdə tutulan dəyişikliklər ümumilikdə dəstəklənir.

Müəllif: Günel Fərzəliyeva