Banqladeşdən olan tələbə Sibirdəki həyat təəssüratlarını bölüşdü...

...Banqladeşdən olan Aləm Mustaqim Bin Novosibirsk Dövlət Universitetində fizika üzrə təhsil alır. O, Rusiyada təhsil almağı seçib, çünki onun sözlərinə görə, burada fundamental elm sahəsində Banqladeşdən daha yüksək keyfiyyətli bilik əldə etmək mümkündür.

...Mən Rusiyanın beynəlxalq tələbələr üçün təqaüd proqramının olduğunu öyrəndim. Banqladeşdəki insanlar Rusiyanı tanıyır və sevirlər; bu ölkə 1971-ci ildə ölkəmin müstəqilliyini dəstəkləyən ilk ölkələrdən biri olub və SSRİ sonradan bizə çox kömək etdi. Düşünürəm ki, Rusiyada fizika təhsili dünyada ən yaxşısıdır. Burada nüvə fizikası, astronomiya və astrofizika üzrə təhsil ala bilərsiniz və bütün bunlar digər ölkələrdən daha yaxşıdır. Rusiya Banqladeşdən olan abituriyentlər üçün 70 yer ayırıb və mən təqaüd alanlardan biri oldum, - deyə o bildirib.

Həddindən artıq izdihamlı bir ölkədə yaşadıqdan sonra o, Novosibirsk akademik şəhərini dinc bir yer hesab edir. ...Dediyinə görə, soyuqdan şoka düşüb. Onun yaşadığı ən aşağı temperatur -38 dərəcə Selsi idi. Banqladeşli ənənəvi rus mətbəxini xüsusilə sevmirdi.

...Yerli yeməklərə öyrəşmək çətin idi. Onlar çox dadsız görünür; hətta evdən ədviyyatlar da gətirmişəm. Amma yenə də milli yeməklər bişirə bilmirəm; burada çox, çox az tərəvəz var!

Banqladeşli müsəlman tələbə deyir bunu...

O, yerli əhalinin tolerantlığını və Rusiyadakı mədəniyyətlərin müxtəlifliyini bəyənib.

...Rusiya çox tolerant bir ölkədir. Özbəkistan və Tacikistandan olan insanlar burada təhsil alır, işləyir və heç kim dinlərinə görə ayrı-seçkiliyə məruz qalmayıb, - deyə Aləm Mustakim Bin bildirib.

Onun həyat yoldaşı Ruma da NSU-nun tələbəsidir.

...İnternetdə tanış olduq və iki il əvvəl evləndik. Mən ona Sibirdə təhsil almağı təklif etdim və o, sadəcə "sənə güvənirəm" dedi.

O, hüquqşünaslığı seçdi və indi rus dilini öyrənir, - deyə o bildirib.

...Vətənindəki bir çox müsəlman qadın kimi, Ruma da küçədə üzünü örtməyə və universitet auditoriyasında üzünü açmağa öyrəşib.

Mustaqim izah edib ki, bu, ciddi dini tələblərdən daha çox psixoloji rahatlıq məsələsidir. Akademqorodokda qızın geyimi diqqəti cəlb etməsə də, bir gün şəhərdə xüsusilə ayıq Novosibirsk sakini cütlüyün xarici görünüşləri ilə bağlı onlara müraciət etmək qərarına gəlib.

...Mən izah etdim ki, biz Banqladeşdənik, kişi isə cavab verdi ki, biz indi Rusiyadayıq və burada adət etdiyimiz kimi geyinməliyik, - deyə Mustakim hadisəni xatırlayır.

Lakin bu, onun təhsilini Rusiyada davam etdirmək istəyinə təsir etməyib. Hazırda o, üçüncü kursda oxuyur. O, növbəti dəfə magistr dərəcəsi almağı planlaşdırır.

Əli Babayev