Xocavənd rayon Mərkəzi Xəstəxana Publik Hüquqi Şəxsin Ərazi Partiya Təşkilatının sədri, YAP Xocavənd rayon təşkilatı və Xocavənd rayon İcra Hakimiyyətinin birgə dəstəyi ilə “17 iyun Səhiyyə işçilərinin peşə bayramı gününə” həsr edilmiş tədbir keçirilib. SİA-nın verdiyi məlumata görə, tədbir Xocavənd rayon İcra Hakimiyyətinin binası önündə ucaldılmış Ulu Öndər Heydər Əliyevin büstü önünə gül dəstələri qoyularaq başlayıb.
Tədbiri giriş sözü ilə açan Xocavənd rayon Mərkəzi Xəstəxana Publik Hüquqi Şəxsin ƏPT-nın sədri Kifayət Hacıyeva “17 İyun Səhiyyə işçilərinin Peşə bayramlarını” təbrik edərək, görülən işlər barəsində geniş məruzə edib. Sonra işlərində fərqlənən bir neçə Səhiyyə işçisini mükafatlandırıb.
Daha sonra Xocavənd Rayon İcra Hakimiyyəti başçısının müavini Əfsanə Quliyeva tibb işçilərini peşə bayramı münasibəti ilə təbrik edərək onlara bu çətin işlərində uğur və müvəffəqiyyətlər arzulayıb. Tibb işçilərinin həm koronavirusa qarşı mübarizə sahəsində, həm də Vətən müharibəsi dövründə göstərdikləri fədakarlıqları diqqətə çatdırıb.
Digər çıxış edən, YAP Xocavənd rayon təşkilatının sədri Vüsal Hüseynov “17 iyun Səhiyyə işçilərinin peşə bayramı” münasibəti ilə səhiyyə işçilərini təbrik edib, onlara gələcək fəaliyyətində uğurlar arzulayıb və YAP Xocavənd rayon təşkilatı adından Xocavənd rayon Mərkəzi Xəstəxana Publik Hüquqi Şəxsin Ərazi Partiya Təşkilatının sədri Kifayət Hacıyevanı və YAP Xocavənd rayon təşkilatının ictimai-siyasi həyatında fərqlənən gəncləri “17 iyun Səhiyyə işçilərinin peşə bayramı” münasibəti ilə fəxri fərman və hədiyyələrlə təltif olunublar.
Sonda Yeni Azərbaycan Partiyasına yeni üzvlərinə pariya üzvlük vəsiqələri təqdim edilib.