Vəkil və hakimlər üçün təlim keçirilir

Ailə, Qadın və Uşaq Problemləri üzrə Dövlət Komitəsi tərəfindən mütəmadi olaraq, vəkil və hakimlər üçün məişət zorakılığı ilə mübarizə, həmçinin məişət zorakılığından zərər çəkmiş şəxslərlə davranış sahəsində bacarıqlarının artırılması məqsədilə təlimlər təşkil edilir. SİA xəbər verir ki, “Azərbaycan Respublikasında məişət zorakılığı ilə mübarizəyə dair 2020–2023-cü illər üçün Milli Fəaliyyət Planı”nın 12.6.1-ci bəndinin icrası məqsədilə növbəti təlim keçirilir. Təlimdə 30 nəfər vəkil və hakim iştirak edir.Təlim Gender və İnkişaf üzrə Dünya Bankının eksperti, Vəkillər Kollegiyasının üzvü, vəkil Xalisə Şahverdiyeva tərəfindən keçirilir.