Niyə insanlar dostlarını süni intellektlə əvəz edirlər..?

...Getdikcə daha çox insan insan həmsöhbətləri əvəzinə neyron şəbəkələri ilə ünsiyyət qurmağa başlayır və bu tendensiya tədricən populyarlıq qazanır.

Rusiyalı klinik psixoloq Janna Voyevodina izah edib ki, istifadəçilər yalnız süni intellektin praktik faydaları ilə deyil, həm də dialoq zamanı hiss etdikləri emosional rahatlıqla cəlb olunurlar.

SİA xəbər verir ki, o, bu barədə Life.ru portalına verdiyi müsahibədə danışıb.

Mütəxəssisin sözlərinə görə, neyron şəbəkələri insanlara tez bir zamanda müvafiq məlumatları tapmağa və maraqlarını təmin etməyə imkan verir, lakin rəqəmsal həmsöhbətin ünsiyyət tərzi əsas rol oynayır.

Süni intellekt söhbəti davam etdirir, təriflər deyə bilər və istifadəçinin suallarını dəyərsizləşdirmir.

Bu cür ünsiyyətə tənqidi yanaşmaq vacibdir.

...Emosional cəhətdən sağlam insan başa düşür ki, mahiyyət etibarilə özü ilə dialoq aparır - öz əksi ilə danışmaq zarafatı kimi...

Bunu deyən ekspert xəbərdarlıq edib ki, bəzi hallarda virtual ünsiyyət tədricən real həyatdakı qarşılıqlı əlaqələri əvəz edə bilər. Mütəxəssis vurğulayıb ki, sosial əlaqələri olmayan insanlarda neyron şəbəkələri ilə ünsiyyətə aludəçilik riski daha yüksəkdir.

Bu, xüsusilə təcrid olunmuş və ya nadir hallarda başqaları ilə qarşılıqlı əlaqədə olanlar üçün doğrudur.

Belə hallarda süni intellektlə dialoq ünsiyyət çatışmazlığını kompensasiya etməyin bir yoluna çevrilir, lakin o, real insan münasibətlərini tamamilə əvəz edə bilməz.

Əli Babayev