Qarın ağrısından şikayət edən kişiyə beyin şişi diaqnozu qoyulub...

...Uzun müddət qarın ağrısından əziyyət çəkən 37 yaşlı Uels sakini Luis Qudfildə...beyin şişi diaqnozu qoyulub.

SİA xəbər verir ki, bu barədə Metro məlumat yayıb.

Kişi bir neçə ildir ki, şiddətli ağrılardan əziyyət çəkirmiş, müntəzəm olaraq tibbi yardım alıb və hətta bir neçə dəfə xəstəxanaya da yerləşdirilib. Lakin həkimlər uzun müddət onun vəziyyətinin səbəbini müəyyən edə bilməyiblər.

...Vəziyyət üçüncü dəfə xəstəxanaya yerləşdirilərkən, şiddətli ağrı səbəbindən huşunu itirəndə aydın olub.

Daha sonra xəstə KT müayinəsindən keçirilib və beynində şiş aşkarlanıb.

Məlum oldu ki, bu, II mərhələli qliomadır - zamanla irəliləyə bilən yavaş böyüyən, aşağı dərəcəli şiş...

Qeyd edək ki, bu cür şişlər adətən qarın ağrısı ilə əlaqələndirilmir, lakin bu halda əsas simptom bu idi.

Qudfild vəziyyəti müalicə etmək üçün əməliyyat keçirib. Prosedur zamanı kəlləsinin bir hissəsi müvəqqəti olaraq çıxarılarkən, o, huşunu itirib.

...Mən qazma səsləri və söhbətlər eşitdim. Sonra neyrocərrah mənə ovucunda toyuq yumurtası ölçüsündə bir şiş göstərdi.

Bunu Qudfild paylaşıb.

Əməliyyat uğurlu keçib və şişin xoşxassəli olduğu aşkarlanıb. Lakin, prosedurdan sonra kişi bir neçə ağırlaşma yaşayıb: səslərə, parlaq işığa və stressə qarşı həssaslığının artması müşahidə edilib.

Bundan əlavə, o, yaddaşını fəal şəkildə məşq etdirməyə başlayıb.

Nazlı Almuradova