AEBA-nın ekspert qrupu Tehrana səfər edəcək

Atom Enerjisi üzrə Beynəlxalq Agentliyin (AEBA) ekspertlər qrupu İranın adı çəkilməyən üç yerində zənginləşdirilmiş uran hissəciklərinin mənşəyi ilə bağlı araşdırmalar çərçivəsində dekabrın 18-də Tehrana səfər edəcək. SİA xəbər verir ki, bu barədə Al Arabiya” telekanalı Agentliyin rəsmi nümayəndəsinin bəyanatına istinadən məlumat yayıb.“İranın dəvəti ilə AEBA-nın texniki qrupu bazar günü Tehrana gedəcək”, - nəşr rəsmiyə istinadən bildirib.Səfərin məqsədi İranın Nüvə Silahlarının Yayılmaması Müqaviləsində nəzərdə tutulan təminatlar üzrə öhdəliklərini yerinə yetirməsi ilə bağlı məsələləri həll etmək olacaq.Qeyd edək ki, dekabrın 14-də İranın Atom Enerjisi Təşkilatının rəhbəri Məhəmməd İslami AEBA nümayəndələrinin yaxın günlərdə Tehrana səfər edəcəyini açıqlamışdı.

sia.az