Kurskda elektriklər atəşə tutulub

Kursk vilayətinin Krasnooktyabrski və Volfino yaşayış məntəqələrinin enerjisizləşdirilmiş elektrik təchizatının bərpası zamanı təmir briqadası minaatanlardan atəşə tutulub. Bir nəfər yaralanıb.SİA-nın rus saytlarından əldə etdiyi məlumata görə, bu barədə xəbəri vilayətin qubernatoru Roman Starovoit verib.Onun sözlərinə görə, Volfino kəndində elektrik enerjisini bərpa edən elektrikçilər qrupu minaatanlardan atəşə tutulub. Təmirçilərdən biri yaralanıb, ona bütün lazımi tibbi yardım göstərilib.Starovoit, artıq hər iki qəsəbədə elektrik enerjisinin verilişinin bərpa olunduğunu deyib. Yalnız bir küçə işıqsız qalıb, orada işlərin sabah başa çatdırılması nəzərdə tutulub.Xatırladaq ki, qubernatorun dediyinə görə bu gün Belqorod vilayətinin Dolqoye kəndi də atəşə tutulub.

sia.az