“Bu, son 100 ilin ən böyük fəlakətidir” - TÜRK POLİTOLOQ MÜNASİBƏT BİLDİRDİ

"Son 100 ilin ən böyük fəlakəti zəlzələ səbəbindən Türkiyədə yaşanır". Bu sözləri SİA-ya açıqlamasında türkiyəli politoloq, uzun illər Türkiyə siyasətində aktiv rol almış Cihat Rahmi Akar deyib.Onun sözlərinə görə, bu fəlakət nəticəsində xeyli can itkisi var: "Xilasetmə tədbirləri hələ də davam edir. Ölkə olaraq can itkisinin artmasından çox narahatıq".Cihad Rahmi Akar sözlərinə belə davam edib: "Qış fəsli səbəbindən hava soyuqdur və qar-yağış yağır. Bu səbəbdən də böyük çətinlik yaşanır. Xüsusilə, dördüncü səviyyə həyəcan siqnalı elan edilib. Bütün ölkələrdən yardım tələb edilir və xilasetmə qüvvələri Türkiyəyə gəlir. Allah ölənlərə rəhmət etsin, dağıntılar arasında qalanlara dözüm versin və yaralılara da tez zamanda şəfa versin. Çətin qış şərtlərində xilasetmə qüvvələrinə də güc arzu edirəm. Bu, son 100 ilin ən böyük fəlakətidir. Allah türklərə kömək olsun".

Ayşən Vəli