Şimali Koreyanın raket buraxılışı ilə bağlı iclası keçiriləcək

Bu gün BMT Təhlükəsizlik Şurasının Şimali Koreyanın son raket buraxılışlarına dair iclası keçiriləcək. SİA xəbər verir ki, bu barədə TASS-a beynəlxalq təşkilatdakı mənbə bildirib.Onun sözlərinə görə, görüş saat 15:00-a (Bakı vaxtı ilə 21 fevral, saat 00:00) təyin edilib. Bundan əvvəl Yaponiyanın Baş naziri Fumio Kisida bildirib ki, rəsmi Pekin Şimali Koreyanın raket buraxılışları ilə əlaqədar BMT Təhlükəsizlik Şurasının təcili iclasını tələb edir.Yaponiya Müdafiə Nazirliyi daha əvvəl bildirib ki, Şimali Koreya bazar ertəsi səhər özünün qərb sahili ərazisindən iki ballistik raket atıb. Raketlər müvafiq olaraq 50 və 100 km maksimum uçuş hündürlüyündə 350 və 400 km uçub.