ABŞ-ın "Qiyamət Günü" təyyarəsi Avropaya endi

Avropadakı ABŞ ordusunun əməliyyatlarına nəzarət edən E-6B Merkuri tipli Amerika təyyarəsi İslandiyaya enib. Həmin təyyarə "Qiyamət Günü" kimi də tanınır.

Avropadakı Amerika qoşunlarının komandanlığının qərargahı olan təyyarənin ekipajı ABŞ-ın İslandiyadakı səfiri Carrin Patman və digər diplomatlarla, hərbçilərlə görüş keçiriblər. E-6B Merkuri Amerikanın hərbi strateji nəzarət və rabitə təyyarəsidir. Xüsusilə, interkontinental ballistik raketlərin daşıyıcısı olan strateji atom raket kreyserləri ilə ünsiyyət üçün hazırlanmışdır.

Bu təyyarənin Avropaya uçuşu nadir deyil, il ərzində orta hesabla 2-3 dəfə bu hadisə baş verir. Keçən il 16 e-6B təyyarəsi İngiltərəyə eniş edib. İslandiyanın ərazisində ABŞ Silahlı Qüvvələri tərəfindən də istifadə olunan Keblavik hava bazası 1941-2006-cı ilədək mövcud idi. Lakin müəyyən səbəblərdən ölkəni tərk edib. 2016-cı ildə Amerika Birləşmiş Ştatları və İslandiya Amerika qoşunlarının adaya qayıtmaq üçün bir müqavilə imzalayıblar. İslandiya hakimiyyəti bu addımın Avropadakı təhlükəsizlik səviyyəsinin pisləşməsi səbəbindən atıldığını deyib.