Bu qəsəbəni 100 ildir bir ailə idarə edir

Türkiyədə Van vilayətinin Baklatepe qəsəbəsi düz bir əsrdir ki, eyni ailə üzvü olan insanlar tərəfindən idarə olunur. 100 ev və 572 sakindən ibarət olan bu qəsəbə hazırda 52 yaşı olan Nəci İşkol düz 24 ildir muxtarlıq edir. N.İşkolun böyük babası 20 il, 104 yaşında ölən atası isə düz 54 il bu qəsəbənin rəhbəri olublar. Türkiyədəki bir əsrlik tarixdə neçə-neçə hakimiyyətlər, idarəçilər, siyasi partiyalar dəyişsə də bu qəsəbədə hakimiyyət bir ailənin üzvləri tərəfindən idarə olunub. Yerli əhali də həm N.İşkolun, həm də ata və babasının idarəçiliyindən razı danışırlar. Xüsusilə qəsəbənin sosial inkişafı üçün görülən işlər, rabitə və internetlə təminat baxımından qəsəbənin digər kənd və qəsəbələrdən öndə olması əhalini razı salır.

Mətləb