Almaniya Ukraynaya “Patriot” sistemləri göndərib

Almaniya bu həftə Kiyevə “Patriot” zenit-raket kompleksi üçün iki buraxılış qurğusu, həmçinin “Bandvagn 206” yüksək keçidli avtomobillərini çatdırıb. SİA xarici KİV-ə istinadən xəbər verir ki, bu barədə Almaniya Müdafiə Nazirliyinin saytında məlumat verilib .Almaniya rəsmilərinin bildirdiyinə görə, Almaniya Ukraynaya 10 ədəd “Bandvagn 206” yüksək keçidli avtomobili, 6705 tüstü şaşkası, partlayıcı qurğuların zərərsizləşdirilməsi üçün material, 5 sərhəd mühafizə maşını, dron, binokl və taktiki eynək göndərib. Bundan əvvəl Almaniya hakimiyyətinin Kiyevə 25 ədəd Leopard 1A5 döyüş tankı göndərəcəyi bildirilirdi. Tanklar Ukraynaya daha əvvəl elan edilmiş müdafiə ləvazimatlarının tədarükünə əlavə olaraq göndəriləcək. Həmçinin avqustun 5-də Almaniyanın kəşfiyyat PUA-larını Ukraynaya ötürdüyü məlum olub.