Fransızlar sabun və şampuna qənaət etməyə başladılar

Fransızların demək olar ki, yarısı 2023-cü ildə gigiyena məhsullarına qənaət etməyə başlayıb. "Səs" qəzeti xəbər verir ki, bu tendensiya BFMTV kanalı üçün Nielsen IQ araşdırması ilə göstərilib.

Sorğu göstərdi ki, Fransada yaşayan vətəndaşların 45 faizi ölkədə artan inflyasiya səbəbindən 2023-cü ildə fərdi qulluq məhsulları alışını azaldıb. Fransızların yüzdə 41-i onlayn alış-verişə qoşulub, onlar ən ucuz gigiyena məhsulları axtarırlar. Fransızların daha 13 faizi evdə sabun və şampun bişirməyə başladıqlarını etiraf edib.

Mənbənin sözlərinə görə, Fransada parfümeriyanın qiyməti 20-30 faiz bahalaşıb. Fransızlar nadir endirimlər gözləyərək, orijinal qiymətə mal almağı dayandırdılar. Onlar üçün ən ağrılı üz və dırnaq baxımı məhsullarıdır. Fransızlar buna qənaət etməyə hazır deyillər.

İl ərzində fərdi qulluq vasitələrinin qiymətləri orta hesabla 7,9 faiz artıb. Fransada isə ərzaq məhsulları 13,6 faiz bahalaşıb.