"NATO Ukraynanı qələbə çalana qədər dəstəkləyəcək"

Şimali Atlantika Alyansı Ukraynanı qələbəyə qədər dəstəkləyəcək. Bu sözləri Osloda keçirdiyi mətbuat konfransında NATO-nun baş katibi Yens Stoltenberq deyib. SİA-nın əldə etdiyi məlumata görə, bu barədə xəbəri avqustun 17-də TASS yayıb.Beləliklə, NATO-nun baş katibi Yens Stoltenberq Ukraynaya Rusiya ilə hərbi münaqişədə qələbə çalana qədər dəstək vəd edib: “NATO Ukrayna qalib gələnə qədər onu dəstəkləyəcək”.Qeyd edək ki, Stoltenberq Kiyevin münaqişəyə son qoymaq üçün mümkün ərazi güzəştləri və Ukraynanın NATO-ya mümkün üzvlüyü ilə bağlı jurnalistlərin sualını da cavablandırıb.Ukraynanın əks-hücum əməliyyatını şərh edən Alyansın baş katibi vurğulayıb ki, Ukrayna Silahlı Qüvvələrinin Rusiya ilə təmas xəttində vəziyyət “son dərəcə qeyri-müəyyən olaraq qalır”.Xatırladaq ki, avqustun 15-də NATO baş katibinin ofisinin rəhbəri Stian Yensen İsveçin VG nəşrinə, referendumların nəticələrinə görə artıq Rusiyanın tərkibinə daxil olmuş ərazilərdən imtina ediləcəyi təqdirdə Ukrayna NATO-ya üzv ola biləcəyini demişdi.Lakin bir qədər sonra NATO bu sözlərdən vaz keçdi və Yensen özü ərazilərin Rusiyaya verilməsi müqabilində Kiyevin Alyansa üzv olması ilə bağlı bəyanatını səhv adlandırdı.

A. Babayev