Çindən böhran yaradacaq G20 qərarı!

Sentyabrın 9-10-da Hindistanın paytaxtı Yeni Dehlidə keçiriləcək G20 Sammiti üçün geri sayım davam edərkən, Çindən mübahisəli bir qərar gəldi. Çin sədri Si Cinpinin liderlər səviyyəsində keçirilən sammitə qatılmamaq qərarına gəldiyi açıqlanıb.

Bildirilib ki, Çin sədri Si Cinpinin sentyabrın 9-10-da Hindistanın paytaxtı Yeni Dehlidə keçiriləcək G20 Liderlər Sammitində iştirak etməyəcək. Çin Xarici İşlər Nazirliyinin sözçüsü Mao Ning Pekində keçirilən gündəlik mətbuat konfransında verdiyi açıqlamada, zirvə toplantısında ölkəsini baş nazir Li Jianqın təmsil edəcəyini açıqlayıb.

G20-ni qlobal iqtisadi və maliyyə əməkdaşlığı üçün əhəmiyyətli bir forum olaraq gördüklərini ifadə edən Mao, sammitdəki Çin nümayəndə heyətinə bu dəfə baş nazir Li Jiang tərəfindən rəhbərlik edəcəyini və G20-nin beynəlxalq iqtisadi əməkdaşlıq və qlobal inkişafda rolunu vurğulayacağını qeyd edib. 2008-ci ildən bəri hər il keçirilən G20 liderlərinin sammitlərində şəxsən iştirak etməyən ilk Çin prezidenti olacaq.

Sözçüsü Mao Çinin sammitdən gözləntiləri ilə əlaqədar olaraq, "Ümid edirik ki, G20 iqtisadi bərpa və davamlı böyümə, ümumi rifah və inkişaf üçün, dünya iqtisadiyyatında təzyiqlər hiss olunduqda və inkişafda yeni problemlər ortaya çıxdıqda konsensusa gələcək" mesajını verib.

Cinpinin sammitdə iştirak etməyəcəyi ilə bağlı xəbərlər əvvəllər Qərb və Hindistan mətbuatında yer almışdı. Zirvənin təşkilində iştirak edən diplomatik qaynaqlara əsaslanan xəbərdə Çin nümayəndə heyətinin Ukrayna müharibəsindən tutmuş inkişaf etmiş ölkələr arasında iqtisadi yükün bölüşdürülməsinə qədər bir çox mövzuda hazırlıq iclaslarında sammitin uzlaşmasına etirazlarını dilə gətirdiyi iddia edilib.

VƏLİ