Amerika mətbuatı: ABŞ və Çin liderləri gələn ay Kaliforniyada görüşəcəklər

“The Washington Post” etibarlı mənbələrə istinadla məlumat yayıb. Xəbərdə deyilir ki, Ağ Ev ABŞ Prezidenti Co Bayden və Çin Lideri Si Cinpin arasında noyabrda Kaliforniyada mümkün görüşü planlaşdırmağa başlayıb. Qəzetin əldə etdiyi məlumatda deyilir ki, Amerika rəsmiləri ABŞ və Çin liderləri arasında noyabrda San-Fransiskoda baş tuta biləcək mümkün görüş üçün planlaşdırma prosesinə başlayırlar. Bildirilir ki, bu görüş barədə hələlik rəsmi məlumat verilməyib.

Vurğulanır ki, gələn ay San-Fransiskoda keçiriləcək Asiya-Sakit okean İqtisadi Əməkdaşlıq Təşkilatı sammitində Bayden ilə Si Cinpinq arasında şəxsi görüş şansı yüksəkdir.

Mətləb