Hindistanda partlayış olub - Ölən və yaralananlar var

Hindistanın cənubundakı Tamilnad ştatında iki anbarda pirotexniki vasitələrin partlaması nəticəsində azı 11 nəfər ölüb, yaralananlar var. SİA xarici KİV-ə istinadən xəbər verir ki, bu barədə “NDTV” telekanalı məlumat yayıb.Hadisələr çərşənbə axşamı bir-birindən təxminən 20 km məsafədə yerləşən Sivakasi və Kammapatti yaşayış məntəqələrində baş verib. Hadisələrin bir-birindən asılı olmayaraq baş verdiyi qeyd edilir.Polis idarəsindən bildirilib ki, hər iki şirkətin pirotexniki vasitələrlə işləmək üçün lisenziyası olub. Telekanalın verdiyi məlumata görə, hər iki anbar satış məntəqəsi kimi fəaliyyət göstərib, ölənlərin isə şirkətlərin işçiləri olduğu ehtimal edilir.