Britaniya Rusiyadan almaz idxalını qadağan edəcək

Böyük Britaniya 2024-cü il yanvarın 1-dən Rusiya almazlarının idxalına qadağa qoyacaq....Böyük Britaniya hökuməti Rusiyadan almaz idxalını qadağan edən ayrıca qanun təqdim edir.Bəyanatda belə deyilir.SİA-nın əldə etdiyi məlumata görə, bununla yanaşı Rusiyadan bir sıra metalların idxalı da qadağan olunacaq.Bundan əlavə, yeni paket hərbi və ya sənaye məqsədləri üçün istifadə oluna bilən bir sıra malların, o cümlədən ehtiyat hissələrinin və elektronikanın ixracına da məhdudiyyətlər nəzərdə tutur.Nazirlik qeyd edib ki, Ukraynada hərbi əməliyyatlar başlayandan sonra Rusiyadan Böyük Britaniyaya idxal 94 faiz (2022-ci il üçün), ixrac isə 74 faiz azalıb.London Moskvanın hərbi imkanlarına qarşı sanksiya təzyiqini davam etdirdiyini bildirib.Qeyd edək ki, G7 ölkələri (Böyük Britaniya, Almaniya, İtaliya, Kanada, Fransa, Yaponiya və ABŞ) dekabrın əvvəlində yanvarın 1-də “Rusiyada hasil edilmiş, emal edilmiş və ya istehsal edilmiş” almazların idxalına qadağa qoyub. Gələn il martın 1-dən etibarən üçüncü ölkələrdə emal olunmuş Rusiya almazlarının idxalının məhdudlaşdırılacağına da aydınlıq gətiriblər.Yeri gəlmişkən, oktyabr ayında Avropa Komissiyasının rəhbəri Ursula fon der Leyen Rusiyaya qarşı 12-ci sanksiyalar paketinin əsas məqamlarından birinin Rusiya almazlarının idxalına məhdudiyyətlər olacağını bildirmişdi. Avropa diplomatiyasının rəhbəri Josep Borrell də noyabr ayında almazların sanksiyalara məruz qalacağını açıqlamışdı.