Fransa səfiri Rusiya Xarici İşlər Nazirliyinə çağırılıb

Fransanın Moskvadakı səfiri Pyer Levi Rusiya Xarici İşlər Nazirliyinə çağırılıb. Departamentin nümayəndəsi Mariya Zaxarova TASS-a bildirib ki, bu, Xarkovda müvəqqəti dislokasiya məntəqəsində olan və rus hərbçilərinin hücumuna məruz qalan fransızlarla bağlıdır. “Rusiya silahlı qüvvələrinin Xarkovda bir neçə onlarla fransızın da olduğu xarici döyüşçülər üçün müvəqqəti yerləşdirilmə məntəqəsini məhv etməsi ilə əlaqədar Fransa səfiri Xarici İşlər Nazirliyinə çağırılıb”, - deyə xanım Zaxarova bildirib.

Yanvarın 16-da Müdafiə Nazirliyinin məlumatına görə, Rusiya ordusunun Xarkovda endirdiyi zərbə nəticəsində əksəriyyəti fransızlardan ibarət əcnəbi muzdluların yerləşdiyi bina dağıdılıb. 60-dan çox muzdlu ölüb, daha 20 nəfər xəstəxanaya yerləşdirilib. RTL araşdırmasına görə, 2023-cü ilin iyul ayına olan məlumata görə, Ukrayna tərəfində döyüşlərdə 100 Fransa vətəndaşı iştirak edib.

V.SALAH