İsrail ordusu 20-yə yaxın HƏMAS üzvünü tutub

İsrail hərbçiləri Qəzza zolağının Xan-Yunis şəhərindəki Əl-Əmal xəstəxanasında 20-yə yaxın fələstinli radikalı saxlayıb. SİA xarici KİV-ə istinadən xəbər verir ki, bu barədə ordunun mətbuat xidməti məlumat yayıb.“Bu həftənin əvvəlində Baş Təhlükəsizlik Xidmətinin və Kəşfiyyat İdarəsinin məlumatları əsasında “Givati” Briqadasının döyüş dəstəsi, 13-cü flotiliyanın (“Şayetet 13”, İsrail Hərbi Dəniz Qüvvələrinin xüsusi bölməsi - red.) və əlavə xüsusi qüvvələr Xan Yunusdakı Əl-Əmal xəstəxanasının içərisində gizlənən terrorçuların saxlanılması üçün operativ tədbirlər həyata keçirib. Əməliyyat zamanı İsrail qüvvələri xəstəxanada gizlənən, o cümlədən HƏMAS terror təşkilatının üzvləri də daxil olmaqla, 20-yə yaxın terrorçunu saxlayıb”, – məlumatda bildirilib.Hərbçilərin sözlərinə görə, saxlanılan şəxslər əlavə araşdırma üçün İsrailə göndəriliblər.