Korrupsiyaya görə vyetnamlı milyarderə ölüm cəzası

Vyetnamda dünyanın ən böyük bank dələduzluğu işlərindən birinin məhkəməsi keçirilib. SİA xəbər verir ki, Ho Şi Min şəhərində bir vyetnamlı iş adamı ölkənin ən böyük banklarından birini 11 il ərzində qarət etdiyinə görə ölüm cəzasına məhkum edilib.

67 yaşlı Truong My Lan Saigon Commercial Bank-dan 44 milyard dollar məbləğində kredit götürməkdə ittiham olunurdu. Prokurorlar bildiriblər ki, 27 milyard dollar heç vaxt geri qaytarıla bilməz. Səlahiyyətlilər iş çərçivəsində 2700 nəfərin ifadə verməyə çağırıldığını, 10 dövlət ittihamçısı və 200-ə yaxın vəkilin iş üzərində çalışdığını bildirib. Göstərilən sübutlar ümumi çəkisi 6 ton olan 104 qutuda məhkəməyə təqdim edilib. İttihamları rədd edən Truong My Lan da daxil olmaqla 85 müttəhim mühakimə olunub.