Rusiya hücumunda ölənlərin sayı artır

Ukraynanın daxili işlər naziri İqor Klimenko Rusiyanın ölkəsinə qarşı intensiv raket hücumları nəticəsində ölənlərin sayının 36-ya, yaralıların sayının isə 166-ya yüksəldiyini açıqlayıb. SİA xarici mətbuata istinadən xəbər verir ki, Klimenko onu da bildirib ki, hücumun baş verdiyi Kiyevdəki "Ohmatdit Uşaq Xəstəxanası"nda dağıntıların təmizlənməsi işləri davam edir.Klimenko keçirdiyi mətbuat konfransında Rusiyanın Ukraynanın paytaxtı Kiyev, Kriviy Riq, Dnepr və digər şəhər və yaşayış məntəqələrinə gündüz saatlarında həyata keçirdiyi raket hücumları ilə bağlı son vəziyyətlə bağlı məlumat verib: "Mövcud məlumatlara görə, Kiyev şəhərində 25, Ukraynanın digər vilayətlərində 11 nəfər ölüb,166 nəfər yaralanıb".Nazir Klimenko bəyan edib ki, hücumun baş verdiyi Kiyevdəki "Ohmatdit Uşaq Xəstəxanası"nda dağıntıların təmizlənməsi işləri davam edir.Ukrayna prezidenti Vladimir Zelenski Rusiyanın paytaxt Kiyevə intensiv raket hücumu nəticəsində uşaq xəstəxanasının zədələndiyini bildirib.Zelenski sosial media hesabındakı paylaşımında Rusiyanın Ukraynaya intensiv raket hücumu təşkil etdiyini bildirib və Kiyevdən başqa Dnepr, Kriviy Riq, Slovyansk və Kramatorsk şəhərlərinin də 40-dan çox müxtəlif raketlə hədəfə alındığını qeyd edib.