Qlobal temperatur 13 ay ardıcıl olaraq rekord həddə çatıb, iqlim sənayedən əvvəlki səviyyədən 1,5 dərəcə isti olub. SİA xarici mətbuata istinadən xəbər verir ki, Avropa Birliyinin iqlim araşdırmaları agentliyi olan Kopernikə görə, bir ildən artıqdır davam edən Yer kürəsində rekord qıran isti aylar silsiləsi iyun ayında da davam edib.Kopernikdən olan iqlim üzrə ekspert Nikolas Julien qlobal temperaturun sürətlə artdığını bildirib. Qurum, qlobal temperaturun iyun ayında ardıcıl 13-cü ay rekord səviyyəyə çatdığını və dünyanın sənayedən əvvəlki dövrlərlə müqayisədə ardıcıl 12-ci ayda 1,5 dərəcə isti olduğunu açıqlayıb. 2024-cü ilin ən isti il ola biləcəyi bildirilib. 2024-cü ilin iyun ayında Yerin orta temperaturu 16,66 dərəcə olub. Bu, iyunun 30 illik orta göstəricisindən 1,2 dərəcə yüksəkdir.
Müəllif: Səbinə Hüseynli
Minlərlə insan əllərində Fələstin bayraqları ilə yürüş edib
Ölkənin Milli Məclisində dövlət başçısı seçimi keçirildi
Türkiyənin Ticarət naziri Ömər Bolat Ukrayna ilə ticarət əlaqələrini gücləndirməyə önəm verdiyini bildirib