Avropa Rusiyadan müdafiə üçün hərbi xidməti bərpa edir...

“Hər şeyin yeni Soyuq Müharibə ilə məhdudlaşacağı, yoxsa birbaşa hərbi əməliyyatlara gətirib çıxaracağı hələ aydın deyil, lakin NATO öz müdafiəsini yenidən qurmalıdır...”

Rusiya ilə toqquşmadan ehtiyatlanan bəzi Avropa ölkələri artıq məcburi hərbi xidməti bərpa etməyə və ya genişləndirməyə başlayıblar.SİA-nın əldə etdiyi məlumata görə, bu barədə xəbəri CNN verir.Deyilənlərə görə, hərbi çağırış məsələsi bir çox hökumətlərdə yenidən müzakirə olunur, lakin kadr məsələsində hələ ki, hədəflərinə çatmayan NATO, daha çox ABŞ ordusuna arxalanır....Bu arada NATO-nun Avropadakı keçmiş komandanı Uesli Klarkın sözlərinə görə, hər şeyin yeni Soyuq Müharibə ilə məhdudlaşacağı, yoxsa birbaşa hərbi əməliyyatlara gətirib çıxaracağı hələ aydın deyil, lakin NATO öz müdafiəsini yenidən qurmalıdır....Son illərdə Baltikyanı və Skandinaviya ölkələrində orduya məcburi çağırış bərpa olunub - hərbi xidmətdən yayınanları cərimələr və hətta bəzən həbs cəzası gözləyir.Norveç müdafiə büdcəsini demək olar ki, iki dəfə artırmaq və ordunun şəxsi heyətini 20 min nəfər artırmaq üçün iddialı uzunmüddətli plan təqdim edib.Hələ mövcud olmayan digər ölkələrdə də hərbi vəzifə ilə bağlı mübahisələr gedir: məsələn, Almaniya Müdafiə Nazirliyinin rəhbəri Boris Pistoriusun könüllü xidmətin tətbiqi təklifi sürpriz olub.Lakin bu dəyişikliklər heç də hamını qane etmir: tələbələrin həmkarlar ittifaqının məlumatına görə, Litvada bu məsələ ilə bağlı gənclərin fikir ayrılığı var.Belə ki, hərbi çağırış bəzi ölkələrdə populyar deyil və NATO indiyədək yeni məqsədinə nail ola bilməyib ki, bir ay ərzində 300 min, altı ayda isə 500 min ehtiyatda olan əsgər döyüşə hazır vəziyyətə gətirilə bilsin.Strateji və Beynəlxalq Araşdırmalar Mərkəzinin əməkdaşı Şon Monahanın sözlərinə görə, alyans ilk növbədə ABŞ Silahlı Qüvvələrinə ümid edir. Avropalı müttəfiqlər uzun sürən münaqişə vəziyyətində sənaye potensialını, müdafiə xərclərini artırmalı və sosial davamlılıq problemini həll etməlidir.

Əli Babayev