ABŞ-ın İraqdakı bazası raketlə vuruldu

Beynəlxalq koalisiyanın istifadə etdiyi İraqın Ənbar əyalətindəki Ayn əl-Əsəd hava bazası raket atəşinə tutulub. SİA xəbər verir ki, bu barədə “Shafaq News” portalı təhlükəsizlik xidmətindəki mənbəyə istinadla məlumat yayıb.İraq ABŞ-ın bu ölkəyə zərbələrinin illərlə davam edən əməkdaşlığa xələl gətirə biləcəyindən narahatlığını ifadə edib. Şiə qrupları artıq iki dəfə Suriya və İraqdakı Amerika bazalarına hücum edib.ABŞ qüvvələrinin də yerləşdiyi hava bazasına ən azı iki raketin atıldığı bildirilir, lakin onların növü müəyyən edilməyib. Hüquq-mühafizə orqanları mərmilərin atıldığı yeri müəyyənləşdirmək üçün araşdırmalara başlayıb. Mümkün zərər və ya hücumu kimin həyata keçirə biləcəyi barədə hələlik məlumat yoxdur.