Rusiyanın neft və qazdan gəlirləri 61,6% artıb

SİA Rusiya Maliyyə Nazirliyinə istinadən xəbər verir ki, Rusiya 2024-cü ilin yanvar-iyul aylarında neft və qaz gəlirlərinin həcmini illik ifadədə 61,6% artıraraq bir il əvvəlki 4,193 trilyon rubla qarşı 6,777 trilyon rubla çatdırıb.

Nazirliyin statistikasına görə, neft və qaz kondensatının hasilatı və ixracı üzrə vergilər 7 ay ərzində büdcəyə 7,944 trilyon rubl qazandırıb. Bir il əvvəl onlardan gələn gəlirlər 4,393 trilyon rubl təşkil edirdi. Əlavə gəlir vergisindən əldə olnan vəsait daha çox- 2,2 dəfə artaraq 1,539 trilyon rubla çatıb.

Mineral hasilat vergisi və qaza ixrac rüsumu 6,7% artıb: 2024-cü ilin yanvar-iyul aylarında bir il əvvəlki 955,7 milyard rublla müqayisədə 1,022 trilyon rubl təşkil edib.