“Vəziyyət İranın xeyrinə olmayacaq”

ABŞ İrana İsraillə aralarında gərginliyin artmasının Tehranın xeyrinə olmayacağı mesajını verdi.

Gündəlik mətbuat konfransında ABŞ Dövlət Departamentinin sözçüsü Metyu Miller "HƏMAS" Siyasi Bürosunun sədri İsmayıl Həniyənin öldürülməsindən sonra Yaxın Şərqdə artan gərginliklə bağlı jurnalistlərin suallarını cavablandıraraq deyib: "Diplomatik görüşlərdə İran hökumətinə ardıcıl mesajlar göndərdik. Gərginliyin artması İranın maraqlarına uyğun olmayacaq və ABŞ-ın İsraili qoruyacaq.

Daha geniş Yaxın Şərq münaqişəsi qaçılmazdır. Lakin ABŞ bunun baş verməməsinə çalışır. Gərginliyin artması regionda heç kimin maraqlarına xidmət etməyəcək. Biz bunun üçün hər şeyə hazırıq.

İranın hər hansı əlavə addımı yalnız gərginlik riskini, İsrail və ya digər tərəflərin əlavə cavab vermə ehtimalını artıra və nəticədə bizi nəzarətdən çıxa biləcək münaqişəyə apara bilər."

SİA bu barədə Türkiyə saytlarına istinad edir.