Osetinlər Ukraynada müharibəyə getməkdən imtina edirlər...

...Şimali Osetiyada ictimai fəallar Rusiya lideri Vladimir Putindən bölgənin yerli sakinlərinin Ukrayna ilə müharibəyə çağırılmasını qadağan etməsini istəyirlər.

12 yerli təşkilatın rəhbərləri respublikanın rəhbəri Sergey Menyayloya açıq müraciət dərc ediblər.

SİA-nın əldə etdiyi məlumata görə, onlar cəbhədəki həmvətənləri arasında itkiləri üzə çıxarmağı və Putinin diqqətini "yerli əhalinin azalmasının dönməz xarakterinə" cəlb etməyi tələb ediblər.

Məktubu Alaniya Dəyirmi Masasının rəhbəri Hadzimat Dzanaiti göndərib.

Müraciəti "Terek" kazak ordusunun Vladiqafqaz şöbəsinin rəisi Ataman David Badziev də imzalayıb.

Müraciətə vətənpərvər, əmək və hüquq müdafiə təşkilatları da qoşulub.

İctimai fəallar Menyailonun cəbhədə həlak olan həmyerliləri üçün bir həftəlik matəm elan etməyi tələb edirlər. Onların sözlərinə görə, Ukraynada azı min osetin öldürülüb və sakinlərin bundan xəbər tutmaq hüququ var. Onlar həmçinin hesab edirlər ki, region rəhbəri Putindən təkcə respublikanın yerli sakinlərinin hərbi xidmətə çağırılmasına qadağa qoymağı deyil, "genofondu qorumaq üçün" artıq müharibədə olanları vaxtından əvvəl tərxis etməyi xahiş etməlidir.

...Osetiya gəncləri xüsusi hərbi əməliyyat cəbhələrində ölməkdə davam edir, onların cəsədləri artıq Vladiqafqaz qəbiristanlıqlarını aşır.

Bunu yerli ictimai fəallar vurğulayıblar.

Əli Babayev