Moskvada yaşayış binasında partlayış baş verib

...Moskvada yaşayış binasında partlayış baş verib. Shot Telegram kanalının öz mənbələrinə istinadən verdiyi məlumata görə, azı iki nəfər xəsarət alıb.

SİA-nın rus saytlarından əldə etdiyi məlumata görə, Fili-Davydkovo ərazisində Artamonova küçəsində yerləşən binanın 5-ci mərtəbəsindəki mənzildə məişət qazının partlaması baş verib. Təcili yardım xidmətləri hadisə yerindədir.

Xatırladaq ki, avqustun 1-də Nijni Tagildə beşmərtəbəli binada qaz partlayışı baş verib. İki giriş uçub. Beşi uşaq olmaqla 10 nəfər ölüb. Regional Səhiyyə Nazirliyindən verilən məlumata görə, 11 xəstənin xəstəxanada qalması davam edir, üç azyaşlı və bir yetkin xəstə evə buraxılmağa hazırlanır.

Əli Babayev