...Qəzza zolağında 640 min uşağın poliomielit xəstəliyinə qarşı peyvənd edilməsi kampaniyası başlayıb. SİA bu barədə rus saytlarına istinad edir.
Təbii ki, Qəzzanın yollarının böyük ölçüdə dağıdılması, xəstəxanalara ciddi ziyan dəyməsi və əhalinin təcrid olunmuş ərazilərə səpələnməsi ilə peyvənd səyləri asan olmayacaq.
Ümumdünya Səhiyyə Təşkilatının məlumatına görə, kampaniya on yaşa qədər 640 min uşağa şamil edilir.
Artıq Qəzza zolağına 1,3 milyon dozaya yaxın vaksinin gəldiyi bildirilir. Yaxın gələcəkdə 400 min dozadan ibarət daha bir partiyanın gəlməsi gözlənilir.
Bundan əvvəl məlum olub ki, BMT Qəzza zolağında poliomielit xəstəliyinə qarşı peyvəndin aparılacağı 11 tibb mərkəzini fəaliyyət göstərməyə hazırlayır.
Əli Babayev
Çin Xarici İşlər Nazirliyi Ukrayna Silahlı Qüvvələrinin Rusiya Federasiyasının Kursk vilayətində keçirdiyi əməliyyatı şərh edib