Putin Monqolustanda niyə həbs edilmədi..?

...Monqolustan hakimiyyəti Rusiya prezidenti Vladimir Putini Beynəlxalq Cinayət Məhkəməsinin orderi əsasında həbs etməkdən imtina etmələrini enerji asılılığı və neytrallıq siyasəti ilə izah edib.

SİA-nın rus saytlarından əldə etdiyi məlumata görə, bu barədə "Politico" Monqolustan hökumətinin nümayəndəsinə istinadən yazıb.

Nəşrin həmsöhbəti qeyd edib ki, Monqolustan neft məhsullarının 95 faizini və elektrik enerjisinin 20 faizindən çoxunu qonşu ölkələrdən idxal edir.

Təchizat ölkə sakinlərinin və dövlətin özünün mövcudluğu üçün çox vacibdir. Bundan əlavə, Ulan-Bator həmişə "bütün diplomatik münasibətlərində neytrallıq siyasətinə riayət edib".

Xatırladaq ki, Rusiya lideri Monqolustana sentyabrın 2-də axşam gəlib. O, Xalxin Qol çayında sovet və monqol hərbçilərinin militarist Yaponiya üzərində qələbəsinin 85-ci ildönümünə həsr olunmuş səfərdə ölkəyə səfər edir.

Əli Babayev