Britaniyanın müvəqqəti işlər vəkili İran XİN-ə çağırılıb

İran Böyük Britaniyanın son sanksiyalarına cavab olaraq bu ölkənin Tehrandakı müvəqqəti işlər vəkilini Xarici İşlər Nazirliyinə çağırıb. SİA bu barədə Türkiyə saytlarına istinad edir.

İran Xarici İşlər Nazirliyinin yaydığı bəyanata görə, Böyük Britaniyanın 3 iranlı şəxs və bir quruma qarşı tətbiq etdiyi sanksiyalara görə Britaniyanın müvəqqəti işlər vəkili nazirliyə çağırılıb.

Britaniyalı diplomata bu addımın Londonun Tehranla qarşılıqlı əlaqə yaratmaq niyyətinə zidd olduğu bildirilib.

Bölgədəki etibarsızlığın mənbəyinin İsrail olduğu və fələstinlilərə qarşı törədilən soyqırımda İngiltərə başda olmaqla bəzi ölkələrin İsrailə dəstək verməsinin bölgədə qeyri-sabitlik və etibarsızlığın əsas səbəbi olduğu vurğulanıb.

Britaniyanın müvəqqəti işlər vəkili Tehranın mövqeyini ölkəsinə çatdıracağını bəyan edib.