"Qərbin birbaşa iştirakı Ukraynadakı münaqişənin mahiyyətini dəyişir"

…Rusiya prezidenti Vladimir Putin cümə axşamı Sankt-Peterburqda jurnalistlərə bildirib ki, Kiyevin Rusiya ərazisinə uzaqmənzilli silahlarla zərbə endirməsinə icazə verilməsi NATO ölkələri və Avropa dövlətlərinin Ukraynadakı müharibədə birbaşa iştirakı deməkdir.

Putinin dediyi kimi, NATO ölkələri indi təkcə Kiyevin Qərbin uzaqmənzilli silahlarından mümkün istifadəsini müzakirə etmir, əslində münaqişəyə birbaşa cəlb olunub-olunmamağa qərar verirlər. Rusiya prezidenti qeyd edib ki, əslində yalnız NATO ölkələrinin hərbi personalı bu raket sistemləri üçün uçuş missiyalarını yerinə yetirə bilər.

Həmçinin, jurnalistlərlə söhbətində Putin deyib ki, "Qərb ölkələrinin Ukrayna münaqişəsində birbaşa iştirakı onun mahiyyətini dəyişir". "Rusiya bu şəkildə yaradılmış təhdidlərə əsaslanaraq qərarlar qəbul etməyə məcbur olacaq.

SİA bu barədə rus saytlarına istinad edir.

Əli Babayev