''FETÖ-yə qarşı mübarizə davam edəcək"

Türkiyə Prezidenti Rəcəb Tayyib Ərdoğan Fətullahçı Terror Təşkilatına (FETÖ) qarşı mübarizənin davam etdiriləcəyini vurğulayıb. SİA-nın türk saytlarından əldə etdiyi məlumata görə, Paytaxt Ankarada keçirilən 1-ci dövr hakim və prokuror müavinləri təlimlərinin açılış mərasimində çıxış edən prezident Ərdoğan FETÖ ilə mübarizəyə toxunub.

FETÖ-cü terrorçuların 2016-cı il iyulun 15-də törətdiklərini çox yaxşı xatırladıqlarını bildirən Ərdoğan deyib: "Ölkəmizi və millətimizi bir daha belə sınaqlarla qarşı-qarşıya qoymamaq mövzusunda qətiyyətliyik. Dövlətimizi FETÖ qalıqlarından nə qədər təmizləmiş olsaq da, mübarizəmizi davam etdirəcəyik".