BMT TŞ Livandakı partlayışlarla bağlı fövqəladə iclas keçirəcək

Birləşmiş Millətlər Təşkilatının Təhlükəsizlik Şurası (BMT TŞ) Livandakı hadisələri müzakirə etmək üçün oktyabrın 20-də fövqəladə iclas keçirəcək.

SİA-nın əldə etdiyi məlumata görə, BMT Təhlükəsizlik Şurasına sədrlik edən Sloveniya Əlcəzairin təcili iclas tələbini qəbul etdiklərini açıqlayıb.

BMT TŞ-nin fövqəladə sessiyası 20 sentyabr Türkiyə vaxtı ilə saat 22.00-da (yerli vaxtla 15.00) başlayacaq.

Xatıradaq ki, sentyabrın 18-də ''Hizbullah''ın istifadə etdiyi rabitə vasitələrinə hücum edilib.

Livan Səhiyyə Nazirliyi partlayışlar nəticəsində 2-si uşaq olmaqla 12 nəfərin öldüyünü, 300-ü ağır olmaqla 2800-ə yaxın insanın yaralandığını açıqlayıb.

Ötən gün ölkədə radioqəbuledicilərin partlaması nəticəsində 20 nəfərin öldüyü, 450-dən çox insanın yaralandığı bildirilib.

Livan rəsmiləri İsrailin hücumlara görə məsuliyyət daşıdığını açıqlayıb. İsrail isə məsələ ilə bağlı açıqlama verməyib.