Dollar və avro ilə əməliyyatlar dərhal bloklanır

Altı aydan çox davam edən Rusiya hakimiyyətinin Türkiyə ilə bank ödənişlərinin qarşısının alınması ilə bağlı razılıq əldə etmək cəhdləri nəhayət ki, dalana dirənib. SİA-nın əldə etdiyi məlumata görə, TASS vəziyyətlə tanış olan mənbəyə istinadən xəbər verir ki, demək olar ki, bütün türk bankları Rusiya və Belarusla bağlı əməliyyatlara xidmət göstərməkdən imtina etmək qərarına gəlib.

Onun sözlərinə görə, xarici iştiraklı Türkiyənin bütün kredit təşkilatları artıq Rusiya şirkətləri üçün ödənişləri dayandırıb və indi xarici tərəfdaşları olmayan dövlət və özəl banklar onlara qoşulmaq niyyətindədir.

TASS-dakı mənbə izah edib ki, banklar "özlərini gələcəkdə potensial məhdudiyyətlər və sanksiyalar şəklində mümkün problemlərdən qorumağa" çalışırlar. Onun sözlərinə görə, Rusiya-Türkiyə ticarətinə xidmət etməyə davam etmək üçün ölkədə de-fakto qalan yeganə bank Emlak Katılımdır.

Lirə və rublla ödənişləri davam etdirir, dollar və avro ilə əməliyyatlar isə bir çox türk bankları tərəfindən dərhal bloklanır.

Əli Babayev