Britaniya gizli adalardan imtina edir

İllərlə davam edən müzakirə və danışıqlardan sonra Britaniya hökuməti Hind okeanındakı Çaqos adalarının suverenliyini ada ölkəsi Mavrikiyaya verdi. SİA xarici mətbuata istinadən xəbər verir ki, Çaqos adalarından biri olan Dierqo Qarsiya adası Britaniya və Amerika donanmasının gəmilərinə və uzaq mənzilli bombardmançı təyyarələrə ev sahibliyi edir. Yalnız hərbi obyektlə əlaqəsi olan şəxslərə giriş icazəsi verilən və mətbuata qadağa qoyulan adada ABŞ kəşfiyyat xidməti CIA-nın terrorda şübhəli bilinənləri dindirdiyi bir obyekt olduğu barədə fərziyyələr var idi. Britaniya və Mavritaniya hökumətlərinin birgə bəyanatında Dieqo Qarsiyadakı bazanın növbəti 99 il ərzində Böyük Britaniya və ABŞ-ın yurisdiksiyasında qalacağı bildirilib.

Həmçinin qeyd olunub ki, saziş çərçivəsində London Mavrikiyaya maliyyə dəstəyi paketi təqdim edəcək. Bundan əvvəl Beynəlxalq Ədalət Məhkəməsi mübahisəli adaların Mavrikiyə verilməsi barədə qərar çıxarmışdı. 1814-cü ildə Britaniyanın hakimiyyəti altına keçən Mavrikiy 1968-ci ildə müstəqillik qazansa da, London hökuməti Çaqos adalarını ölkədən ayıraraq onları saxladı.