"Şimali Koreya faktiki olaraq Ukraynaya qarşı müharibəyə qoşulur"

...Şimali Koreya indi faktiki olaraq Rusiyanın tərəfində Ukraynaya qarşı müharibəyə girir. SİA-nın əldə etdiyi məlumata görə, bu sözləri Vladimir Zelenski deyib.

Onun sözlərinə görə, Ukrayna ordusu və Baş Kəşfiyyat İdarəsi ona Rusiya Federasiyası və Şimali Koreyanın bu payız, ümumiyyətlə qarşıdan gələn qış üçün planları barədə məlumat verib.

...Hər şey kifayət qədər təfərrüatlıdır. Əsasən Şimali Koreyanın müharibəyə cəlb edilməsidir, - deyə Zelenski bildirib.

O, həmçinin qeyd edib ki, Ukraynanın Rusiya Federasiyasının "müharibənin uzadılmasına sərmayə qoyan bəzi digər ölkələrlə" əlaqələri haqqında məlumatları var.

Yada salaq ki, Moskva Şimali Koreya hərbçilərinin Ukraynada hərbi müdafiədə Rusiya Silahlı Qüvvələrinin tərəfində iştirak etməsi ilə bağlı iddiaları dəfələrlə təkzib edib.

Əli Babayev