Meksikada zavodda partlayış olub - 12 nəfər ölüb

Meksikanın mərkəzindəki Tlaxcala əyalətində fəaliyyət göstərən polad zavodunda baş verən partlayışda 12 nəfər həyatını itirib. SİA xarici KİV-ə istinadən xəbər verir ki, Meksika mətbuatında çıxan xəbərə görə, ştatın San Kosme Xaloztoc qəsəbəsindəki polad zavodunda partlayış olub.Partlayış nəticəsində 12 nəfər ölüb, bir çoxu yaralanıb, bəzilərinin vəziyyəti ağırdır. Yaralılar xəstəxanaya çatdırılıb. Tlaxcala əyalətinin qubernatoru Lorena Kuellar açıqlamasında polad zavodunda qazanda partlayış olduğunu və hadisənin prokurorluq tərəfindən hərtərəfli araşdırıldığını bildirib.Hadisə ilə bağlı böyük kədər duyduqlarını bildirən Kuellar deyib: "Mərhumların ailələri ilə həmrəyəm, onları bu çətin zamanda tək qoymayacağıq".