İran prezidenti nüvə silahının yaradılması ilə bağlı açıqlama verib

...İran nüvə silahı yaratmayıb və yaratmayacaq. SİA-nın əldə etdiyi məlumata görə, "Mehr" agentliyi xəbər verir ki, bunu Atom Enerjisi üzrə Beynəlxalq Agentliyin rəhbəri Rafael Qrossi ilə danışıqlarda ölkə prezidenti Məsud Pezeşkian deyib.

...Dəfələrlə qeyd etdiyimiz kimi, biz Ali Rəhbərin fətvasına (İran Əli Xamenei - redaktorun qeydi) əsaslanaraq, heç bir şəkildə nüvə silahı yaratmağa çalışmamışıq və yaratmayacağıq, - deyə prezident bildirib.

Noyabrın 2-də İranın Beynəlxalq Münasibətlər üzrə Strateji Şurasının rəhbəri Kamal Xarazi deyib ki, Tehran lazım gələrsə, nüvə silahı yaratmağa imkan verəcək bütün imkanlara malikdir. Onun sözlərinə görə, məsələnin texniki tərəfinə gəldikdə, İranın heç bir maneəsi yoxdur və yeganə "məhdudedici amil" İran lideri Ayətullah Əli Xameneinin İslam Respublikasının nüvə silahına sahib olmaq üçün səy göstərməyəcəyi barədə əmridir.

İranın nüvə doktrinasından danışan Xarazi qeyd edib ki, "xüsusilə İran ekzistensial təhlükə ilə üzləşərsə" onu dəyişdirmək üçün addımlar atmaq mümkündür.

Əli Babayev