ABŞ-ın Almaniyadakı hərbi bazası üzərində dronlar aşkarlanıb

...Son həftələr Almaniyada yerləşən ABŞ-ın Ramstein hərbi bazası üzərində naməlum pilotsuz təyyarələr uçub. Rheinmetall müdafiə konserninin obyektləri üzərində də pilotsuz təyyarələr müşahidə edilib.

SİA-nın məlumatına görə,bu barədə RBC-Ukrayna "Spiegel"ə istinadən xəbər verir.

Nəşr Almaniya təhlükəsizlik orqanlarının məxfi hesabatına istinadən yazır ki, dekabrın 3-ü və 4-ü axşam saatlarında Ramşteyn üzərində bir neçə pilotsuz təyyarə aşkarlanıb.

Eyni zamanda, jurnalistlər aydınlaşdırırlar ki, intensiv axtarışlara baxmayaraq, pilotsuz uçuş aparan operatorları tapmaq mümkün olmayıb.

Spiegel yazır ki, son həftələr müdafiə şirkəti Rheinmetall və kimya nəhəngi BASF-in obyektləri üzərində də pilotsuz təyyarələr müşahidə edilib.

Nəşrin sorğusuna cavab olaraq ABŞ ordusu şübhəli pilotsuz təyyarələrin Ramşteyn üzərində uçduğunu təsdiqləyib.

Əli Babayev